მუსიკოსი ირწმუნება, რომ ფირმამ უკანონოდ გამოიყენა მისი სიმღერა Bridge Over Troubled Water.

კომპანიის Rhythm USA Inc-ის მიმართ, რომელიც აშშ-ში იაპონური საათების, Rhythm Watch Company Ltd-ს დისტრიბუციას ეწევა, მუსიკოსმა სარჩელი მანჰეტენის საოლქო სასამართლოში შეიტანა.

საიმონის მტკიცებით, ამ კომპანიამ მისი თანხმობის გარეშე გამოიყენა მისი მელოდია, რომელიც დამონტაჟდა კედლის ”გუგულიან” საათზე. დღეისთვის ამ საათების 40 ათასი ეგზემპლარია გაყიდული.

კომპენსაციის სახით საიმონი 10 მილიონ დოლარს ითხოვს.

კომპოზიცია Bridge Over Troubled Water პირველად 1970 წელს გამოიცა და ის საიმონისა და გარფუნკელის დუეტის უკანასკნელ ალბომში შევიდა. სიმღერას ორჯერ აქვს ”გრემის” პრემია აღებული, ხოლო თავად ალბომი 25 მილიონზე მეტი ტირაჟით გაიყიდა.