ოკერეკეს სიტყვებით, ის და სხვა ჯგუფის რამდენიმე წარმომადგენელი, ფესტივალის კულისებს მიღმა როტენთან ერთად მშვიდ ვითარებაში საუბრობდა, მაგრამ როდესაც Bloc Party-ს ლიდერი დამსახურებულ პანკს შეეკითხა - აპირებს თუ არა ის მისი პროექტის Public Image Ltd-ს გადახალისებას, როტენს აგრესიულობის შეტევა დაეწყო.

საბოლოოდ კალე ოკერეკემ, ლივერპულის მცხოვრებმა, რომლის წინაპართა ფესვებიც ნიგერიაშია გადგმული, მისი მისამართით რამდენიმე რასისტული ”მიმართვა” გაიგონა. ყოველივე ამის შემდეგ როტენმა მასზე გაიწია და ოკერეკეს მისი დაცვის სამი წევრიც მიცვივდა.

შედეგად კალე მიწაზე დააგდეს და ტუჩი გაუხეთქეს. ამის მოწმე სულ მცირე 50 ადამიანი გახდა. ზოგი მუსიკოსი ცდილობდა გაშმაგებული პანკის შეჩერებას მაგრამ ამაოდ.

როგორც როტენი აცხადებს, ოკერეკემ თავად მოახდინა ჩხუბის პროვოცირება და როტენის რასიზმში დადანაშაულება ნიგერიელს ალბათ თავისი ჯგუფის რეკლამისთვის თუ დასჭირდა და სხვა არაფერი.