როგორც ”პრესა.გე”-ს, წამოწყების ერთ-ერთმა ინიციატორმა, სამხედრო ექსპერტმა გიორგი თავდგირიძემ განუცხადა, კომისიის მიზანია აქტიურად ითანამშრომლონ ქართულ პრესაში მოღვაწე იმ ჟურნალისტებთან, რომლებიც სამხედრო თემაზე წერენ და მათ კვალიფიკაციის ამაღლებაში დაეხმარონ.

მისივე თქმით, სამხედრო სფეროზე მომუშავე ქართველი ჟურნალისტები ხელისუფლების მხრიდან ინფორმაციის ნაკლებობას განიცდიან, რაც  ხშირ შემთხვევაში მათი პუბლიკაცების ხარისხზე აისახება.

- ”რაც მეტი ინფორმაცია ექნება ჟურნალისტს, მით მეტად იქნება იგი კომპეტენტური ამა თუ იმ საკითხში. ნებისმიერი უცხოელი ჟურნალისტი წერას ინფრომაციით იწყებს, ” - აცხადებს ქართველი ექსპერტი

ქართველი ჟურნალისტების კვალიფიკაციის ამაღლებაზე დასაწყისისათვის ოთხი ქართველი ოფიცერი: გიორგი მელითაური, თემურ მიქაუტიძე, კახა კაციტაძე და გიორგი თავდგირიძე იზრუნებენ. სამომავლოდ კი ისინი არც ქართულ პოლიტიკურ ძალებთან თანამშრომლობას გამორიცხავენ.

კომისიის პირველი სამუშაო შეკრება ხვალ, პოლიტიკური პარტია ”ახალი მემარჯვენეების” ოფისში გაიმართება. კომისია სავარაუდოდ კვირაში ორჯერ შეიკრიბება და საზოგადოებისა და მედიის წარმომადგენლებთან მრგვალ მაგიდას გამართავენ.

გიორგი თავდგირიძის თქმით, კომისიის მიზანი არ არის რაიმე სახის იურიდიული გამოძიების ჩატარება. მომავალში ინისი ჟურნალისტებისათვის სამხედრო თემაზე სპეციალურ ლექცია-სემინარებს გამართავენ.