”ვფიქრობ, აუცილებელი იქნება კიდევ მთელი რიგი დოკუმენტების ხელმოწერა, რომლებიც ერთის მხრივ უზრუნველყოფენ რუსეთის ინტერესებს უსაფრთხოების თვალსაზრისით საზღვრებთან დაკავშირებით, ხოლო მეორეს მხრივ, ადამიანებს საშუალებას მისცემენ თავისუფლად იურთიერთონ ყოველგვარი ადმინისტრაციული საზღვრების გარეშე,” - განაცხადა მან პარტია ”Единая Россия”-ს რეგიონალურ ლიდერებთან შეხვედრაზე.

”ჩვენ ფაქტიურად რუსეთსა და სამხრეთ ოსეთის რესპუბლიკას შორის არსებული საზღვრის ლიკვიდაციას ვახდენთ,” - განაცხადა პრემიერმა, ”ადამიანებს საშუალებას მივცემთ იქ მშვიდად იცხოვრონ, ბავშვები გაზარდონ, თავიანთი ქვეყანა, თავიანთი რესპუბლიკა განავითარონ და თავისუფლად იურთიერთონ ყოველგვარი ფორმალობების გარეშე”.

ამასთან პუტინმა აღნიშნა, რომ რუსეთის შემადგენლობაში სამხრეთ ოსეთის შესვლა ამჟამად არ განიხილება. მაგრამ ისინი სამხრეთ ოსეთს აუციელებელ დახმარებას აღმოუჩენენ ოსი ერის მაქმსიმალური ინტეგრაციისათვის. ”ვფიქრობ, დღეისათვის სრულიად საკმარისი იქნება, თუ მათ სამხრეთ ოსეთის ეკონომიკურად აღორძინებაში დავეხმარებით,” - დააზუსტა პრემიერმა.

newsru.com-ი მკითხველს შეახსენებს, რომ რუსეთის ფედერაციის კონსტიტუცია არ ეწინააღმდეგება სამხრეთ ოსეთის თავის შემადგენლობაში შეყვანას. თუმცა სამხრეთ ოსეთის ლიდერის ედუარდ კოკოითის პოზიცია დღემდე გაურკვეველია.

ჯერ კიდევ რუსეთსა და სამხრეთ ოსეთს შორის მეგობრობის, თანამშრომლობის და ურთიერთდახმარების შეთანხმების ხელმოწერამდე სკანდალი მოხდა, რომელიც მის განცხადებებთან იყო დაკავშირებული. თავიდან კოკოითმა განაცხადა, რომ სამხრეთ ოსეთი აპირებდა ჩრდილოეთ ოსეთთან აღედგინა ერთიანობა და შესულიყო რუსეთის შემადგენლობაში. თუმცა იმავე დღეს სამხრეთ ოსეთის ლიდერმა თავისი სიტყვები უარყო და განაცხადა, რომ მას არასწორად გაუგეს.