ცნობილი გიტარისტის პრეს-სამსახურის განცხადებით, მუსიკოსი ”შველას ეძებს”, რომ თავისი პრობლემა გადაჭრას და იმედოვნებს, რომ სრულიად განიკურნება ალკოჰოლიზმისგან.

ადრე გავრცელდა ხმები, რომ 61 წლის მუსიკოსი ცოლს გაშორდა და ირლანდიაში საკუთარ მამულში 19 წლის მოსკოველ ეკატერინე ივანოვასთან ერთად განმარტოვდა, სადაც წყვილი დღეში ორ ბოთლ არაყს სვავდა და ამით ხარობდა.

მუსიკოსის ნათესავები და ჯგუფ The Rolling Stones-ის წევრები, მათ შორის მიკ ჯაგერმაც მოახერხეს და დაითანხმეს ვუდი დაეტოვებინა თავისი მამული და ალკოჰოლიზმისგან განკურნების კურსი გაეარა.

კლინიკაში დაწოლისთანავე ვუდი მისმა 30 წლის შვილმა ჯესიმაც მოინახულა, რომელმაც ასევე დიდი გავლენა იქონია მამაზე, რომ მას შეეწყვიტა ალკოჰოლური ორგიები 19 წლის მოსკოველ გოგოსთან და ნორმალურ ცხოვრებას დაბრუნებოდა.